४ दिन लगातार घटेको सुनचाँदीको भाउ आज स्थिर

विराटचोकः आज सुन र चाँदी दुवैको भाउ स्थिर रहेको छ । यसअघि ४ दिन लगातार सुनचाँदीको भाउ घटेको थियो ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ३६ हजार ९०० रुपैयाँ निर्धारण भएको छ । तेजाबी सुनको भाउ प्रति तोला १ लाख ३६ हजार २५० रुपैयाँ र चाँदीको भाउ प्रति तोला १ हजार ८५५ रुपैयाँ निर्धारण भएको छ ।

जेठ ७ गते हालसम्मै उच्च मूल्य १ लाख ४१ हजार ८०० रुपैयाँ पुगेको सुनको भाउ त्यसपछि लगातार घटिरहेकोमा आज भने स्थिर रहेको हो ।