काठमाडौंः अब बागमती प्रदेशका सरकारी कार्यालयहरूले तीनवटा भाषामा साइन बोर्ड अनिवार्य रूपमा लेख्नुपर्ने भएको छ । नेपाली भाषा, नेपाल भाषा र तामाङ भाषामा सरकारी कार्यालयका बोर्डहरू राख्नुपर्ने प्रदेश मन्त्रिपरिषद्को बैठकले निर्णय गरेको हो ।
आन्तरिक मामिला तथा कानुनमन्त्री गंगानारायण श्रेष्ठका अनुसार बैशाख २४ गतेदेखि तामाङ भाषालाई पनि सरकारी कामकाजको भाषा बनाइने भएको हो ।
काठमाडौंस्थित वसन्तपुरबाट प्रधानमन्त्री पुष्पकमल दाहालले सरकारी कामकाजको भाषाको रुपमा तामाङ भाषालाई पनि मान्यता दिइएको घोषणा गर्ने कार्यक्रम रहेको छ ।
