इलामः उपनिर्वाचनअन्तर्गत इलाम २ को मतगणना जारी रहँदा नेकपा एमालेका सुहाङ नेम्वाङले अग्रता लिएका छन् । फाकफोकथुम गाउँपालिकाको वडा नम्बर १,२ र ३ वडामा लगातार नेपाली कांग्रेसका डम्बरबहादुर खड्काले अग्रता लिएका थिए ।
सो पालिकाको वडा नम्बर ४ को मतगणनापछि पहिलो नम्बरमा रहेका सुहाङ नेम्वाङले वडा नम्बर ५ सम्मको मतगणना गरिसक्दा मतान्तर फराकिलो पारेका छन् ।
सुहाङले ३२४९ मत पाउँदा खड्काले २४६९, स्वतन्त्र उम्मेद्वार डकेन्द्र सिंह लिम्बूले ७०३ र रास्वपाका मिलन लिम्बूले ४३४ मत पाएका छन् ।
अन्य कुनै पनि उम्मेद्वारले २५ मत कटाएका छैनन् । १९ जनामध्ये २ जना उम्मेद्वारहरु डाकप्रसाद गौतम र मनोज निरौलाले हालसम्म शून्य मत पाएका छन् ।
निर्वाचन आयोगका अनुसार यस्तो छ सबै उम्मेद्वारले पाएको मतः
