काठमाडौंः एन्फा महिला लिग फुटबल छनोटमा कोशी प्रदेशले लगातार तेस्रो पटक जितेको छ ।
सुर्खेतको वीरेन्द्रनगरस्थित कर्णाली रंगशालामा बुधबार सम्पन्न खेलमा कोशीले गण्डकीलाई ३–० गोल अन्तरले पराजित गरेको हो ।
समीक्षा मगरले खेलको छैटौँ र ९० औँ मिनेटमा र ममता राउतले खेलको ५२ आँै मिनेटमा गोल गर्नुभएको थियो ।
यसअघि सुदूरपश्चिममाथि कोशीले २–१ गोल अन्तरको जीत हासिल गर्दा समीक्षाले नै २ गोल गर्नुभएको थियो । कर्णालीविरुद्ध ३–० ले जित्दा भने समीक्षाले गोल गर्नुभएको थिएन ।
