कटारीः उदपुरको कटारी नगरपालिका–१० मा रहेको प्रहरी चौकी सोरुङ छविसेको नवनिर्मित भवनको उद्घाटन भएको छ । कोशी प्रदेश प्रहरी प्रमुख प्रहरी नायब महानिरीक्षक चन्द्रकुबेर खापुङको प्रमुख आतिथ्यता तथा कटारी नगरपालिकाका प्रमुख राजेशचन्द्र श्रेष्ठको अध्यक्षतामा नवनिर्मित प्रहरी चौकीको उद्घाटन भएको हो ।
नवनिर्मित भवनको उद्घाटन तथा निरीक्षणपश्चात कार्यक्रमलाई सम्बोधन गर्नुहुँदै प्रहरी नायब महानिरीक्षक खापुङले नयाँ भवनको निर्माणमा प्रत्यक्ष अप्रत्यक्ष रूपमा सहयोग पु¥याउने सम्पूर्णमा धन्यवाद दिनुभएको थियो ।
प्रमुख अतिथि खापुङले भवन निर्माण कार्यमा उल्लेख्य योगदान पु¥याउने महानुभावहरुलाई प्रशंसापत्रले सम्मान गर्नुभएको थियो । सो प्रहरी चौकी कोशी प्रदेश आन्तरिक मामिला तथा कानुन मन्त्रालयको १ करोड ६४ लाख ७३ हजार रुपैयाँको लागतमा शहरी विकास तथा भवन निर्माण कार्यालयले निर्माण सम्पन्न गरेको हो ।
उद्घाटन कार्यक्रममा उदयपुर जिल्लाका प्रमुख जिल्ला अधिकारी हरिप्रसाद घिमिरे, जिल्लास्थित सुरक्षा निकायका प्रमुखहरु तथा प्रहरी अधिकृतहरु, जनप्रतिनिधिहरु, विभिन्न कार्यालय, संघ संस्थाका प्रमुख, स्थानीय समाजसेवी, बुद्धिजीवी तथा स्थानीयवासीहरुको उपस्थिति रहेको थियो ।
