विराटचोकः हिजोको वर्षाका कारण प्रदूषण घट्नाले काठमाडौं विश्वका प्रदूषित शहरको तेस्रो स्थानमा रहेको छ ।
आज दिउँसो पौने १ बजे काठमाडौंको एयर क्वालिटी इन्डेक्स (एक्यूआई) १६५ पुगेको छ । बिहीबार काठमाडौंको एयर क्वालिटी इन्डेक्स (एक्यूआई) १९५ पुगेको थियो भने बुधबार काठमाडौं शहर विश्वका बढी वायु प्रदूषित शहरमध्ये पहिलो स्थानमा परेको थियो । सो दिन काठमाडौंको एयर क्वालिटी इन्डेक्स (एक्यूआई) २४४ पुगेको थियो ।
आज भारतको दिल्ली शहर वायु प्रदूषणको १ नम्बरमा परेको छ । दिल्लीको एयर क्वालिटी इन्डेक्स (एक्यूआई) आज १९० पुगेको छ । दोस्रो नम्बरमा चीनको बेइजिङ शहर छ । त्यहाँको एयर क्वालिटी इन्डेक्स (एक्यूआई) १६८ पुगेको छ ।
विश्व स्वास्थ्य संगठनको मापदण्डअनुसार एक्यूआई ३५ भन्दा कम हुनुपर्छ । ५० एक्यूआई सम्मलाई सामान्य मानिन्छ ।
