काठमाडौंः अपर तामाकोशी हाइड्रोपावरको लिलामी शेयर भर्दा शेयर बाँडफाँडमा नपरेको रकम हालसम्म पनि फिर्ता नपाउने लगानीकर्ता शिलबन्दी पेश गरेकै स्थानमा जानुपर्ने भएको छ । यो व्यवस्था काठमाडौं उपत्यकाबाट आवेदन दिने लगानीकर्तालाई लागू हुने कम्पनीले जनाएको छ ।
नागरिक लगानी कोषमा आवेदन बुझाएकाहरुले कोषको भवन नयाँ बानेश्वर, लक्ष्मी सनराइज क्यापिटलमा आवेदन बुझाएकाहरु यसको कार्यालय कमलपोखरीबाट चेक लिनुपर्ने कम्पनीले जनाएको छ । लगानीकर्ताले आज फागुन १६ गतेदेखि चेक फिर्ता लिन सक्नेछन् ।
काठमाडौं उपत्यका बाहिरबाट आवेदन बुझाएकाहरुले ०१५९७००६४ मा सम्पर्क गरी आफ्नो बैंक खता नम्बरलगायतको विवरणहरु अध्यावधिक गराएपछि पुनः आइपीएसमार्फत् रकम भुक्तानी हुने कम्पनीले जनाएको छ । आवेदकले लिलामी आवेदन फारममा उल्लेख गरेको बैंक खाता विवरण नम्बर नमिलेकाले आइपीएसमार्फत् रकम फिर्ता गर्न नसकेको कम्पनीले जनाएको छ ।
अपर तामाकोशीको १ करोड ७० लाख कित्ता शेयर आयो लिलामीमा
