काठमाडौंः विश्वका सबैभन्दा धनी व्यक्ति बनार्ड आर्नल्डको प्रतिसेकेण्ड कमाई कति होला ? लुई भुईटन(एलभीएमएच)का अध्यक्ष तथा सीईओ बनार्ड हाल २२८.३ अर्ब डलर कुल नेटवर्थका साथ विश्वको सबैभन्दा धनी व्यक्ति छन् ।
बर्नाडको मुख्य आम्दानीको स्रोत भनेको एलभीएमएचमा उनको स्वामित्व नै हो । यो कम्पनीको बनार्ड र उनको परिवारको ६.७४४ प्रतिशत स्वामित्व रहेको छ । सन् २०२३ मा कम्पनीले २२.८ अर्ब युरोबराबरको कुल आम्दानी गरेको थियो ।
यो कुल आम्दानीमा बर्नाड र उनको परिवारको हिस्सा १.५३७ अर्ब युरो हुन आउँछ । रिपोर्टका अनुसार बर्नाडले प्रतिसेकेण्ड ४८.७४ युरो कमाउँछन् ।
यस्तै उनको प्रतिमिनेट आम्दानी २९२४.४२ युरो, प्रतिघण्टा कमाई १ लाख ७५ हजार ४६५.२० युरो, प्रतिदिन कमाइ ४२ लाख ११ हजार ०८६.४० युरो र प्रतिसाता कमाई २ करोड ९४ लाख ७७ हजार ६०५.६० युरो छ ।
यो आँकडा उनले सन् २०२३ मा उनले आर्जन गरेको आम्दानीलाई आधार मानेर गरिएको हो । २२८.३ अर्ब डलरका साथ बर्नाड धनाढ्यको सूचीमा पहिलो स्थानमा छन् भने दोस्रो स्थानमा एलन मस्क छन् । एलन मस्कको कुल सम्पत्ति २०७.५ अर्ब डलर छ । तेस्रो स्थानमा रहेका जेफ बेजोसको कुल सम्पत्ति १९५.६ अर्ब डलर छ । –एजेन्सी
बर्नार्ड आर्नल्ट भए विश्वका धनी व्यक्ति, एलन मस्क झरे दोस्रो स्थानमा, जेफ बेजोस तेस्रो स्थानमा
