विराटचोकः लुई भिटनका अध्यक्ष तथा प्रमुख कार्यकारी अधिकृत बर्नार्ड अर्नाल्ट विश्वका धनी व्यक्ति घोषित व्यक्ति भएका छन् । यसअघिका धनी टेस्लाका संस्थापक एलन मस्क दोस्रो स्थानमा झरेका छन् । फ्रान्सेली अर्बपति आर्नल्ट र उनको परिवारको कुल सम्पत्ति २०७ दशमलव ६ अर्ब अमेरिकी डलर पुगेपछि सर्वाधिक धनी व्यक्तिहरूको सूचीमा पहिलो स्थानमा आएको फोर्ब्स पत्रिकाले उल्लेख गरेको छ ।
एलन मस्कको सम्पत्ति भने २०४ दशमलव ७ अर्ब अमेरिकी डलर रहेको छ । यी दुई अर्बपतिबीच सन् २०२२ देखि नै पहिलो स्थानका लागि प्रतिस्पर्धा जस्तै चल्दै आएको पत्रिकाले उल्लेख गरेको छ ।
अर्नाल्ट र उनको परिवारको कुल सम्पति शुक्रबार २३ दशमलव ६ अर्ब डलरले बढेर २०७ दशमलव ८ अर्ब डलर पुगेको थियो । टेस्लाको शेयर बिहीबार एकैदिन करिब १३ प्रतिशतले घटेपछि मस्कले १८ अर्ब डलरभन्दा बढी नेटवर्थ गुमाएका थिए ।
मस्कभन्दा अघिका धनाढ्य जेफ बेजोस तेस्रो स्थानमा रहेका छन् । अमेजनका संस्थापक बेजोसको सम्पत्ति १८१ दशमलव ३ अर्ब डलर रहेको छ ।
