बाँदरलाई हानेको गोली लागेर भाइको मृत्यु

खोटाङः खोटाङको दिक्तेल रुपाकोट मझुवागढी नगरपालिका–११ को जंगलमा बाँदर खेदाउने क्रममा भरुवा बन्दुकको गोली लागेर एक जनाको मृत्यु भएको छ ।

हिजो दिउँसो साढे २ बजे जंगलमा बाँदर खेदाउने क्रममा ५४ वर्षीय भलबहादुर तामाङले चलाएको भरुवा बन्दुकको गोली लाग्दा उनकै काकाका छोरा ५३ वर्षीय श्यामबहादुर तामाङको घटनास्थलमै मृत्यु भएको हो ।

सो घटनाको सम्बन्धमा थप अनुसन्धानको लागि भलबहादुर तामाङलाई भरुवा बन्दुक सहित नियन्त्रणमा लिइएको प्रहरीले जनाएको छ ।