खोर्सानेः नझरेका फूलहरूले साउन महिनामा गरिरहेको नियमित शनिवारीय कार्यक्रम ‘झरी र इन्द्रेणी’को चौथो शृङ्खलामा हिजो तीन जना गजलकारले आफ्ना गजल सुनाउँदा कार्यक्रममा उपस्थित गजलप्रेमीले बारम्बार गजलका शेर गजलकारलाई दोहोर्याउन लगाए ।
सुन्दरहरैंचा–१० खोर्सानेमा रहेको सृजना क्याफेमा बिहान ७ बजे उपस्थित भएका गजलप्रेमीलाई गजलकार युवराज ठकुरी, सुनिता तामाङ र राज ‘यात्री’ लम्सालले आफ्ना आधा आधा दर्जन गजल सुनाएका थिए ।
सुकुना बहुमुखी क्याम्पस सञ्चालक समिति अध्यक्ष सुरेन्द्रबहादुर थापाको प्रमुख आतिथ्यतामा भएको कार्यक्रमको सञ्चालन कोसी साहित्य कला परिषद्का महासचिव नवराज पोखरेल ‘नवशिला’ले गर्नुभएको थियो ।
साहित्यकार देवान किरातीको अध्यक्षतामा भएको कार्यक्रममा झापा, मोरङ र सुनसरीका साहित्यकारको उपस्थिति थियो ।
