इटहरीका पहिलो डिजिटल फोटो पत्रकार विशप ताम्राकारको निधन

इटहरीः कलेजोमा समस्या देखिएपछि उपचाररत् इटहरीका अग्रणी फोटो पत्रकार तथा पहिलो डिजिटल फोटोग्राफर विशप ताम्राकारको निधन भएको छ ।

उनलाई उपचारका लागि काठमाडौं हुँदै भारतको दिल्ली लगिएको थियो । दिल्लीमा उपचारपछि उनी पोखरास्थित आफ्नै निवास फर्किएका थिए । शनिबार राति पोखरामै उनको निधन भएको हो ।

उनी इटहरीमा डिजिटल फोटो पत्रकारिता र मोडलिङ फोटो पत्रकारिता भित्र्याउने पत्रकारमा पर्छन् ।

स्वर्गीय ताम्राकारका श्रीमती र एक छोरी छन् ।