विराटचोकः स्व. विक्रम माझी स्मृति खुला नकाआउट फुटबल प्रतियोगिताको उपाधी बाबरी फुटबल क्लब गोठगाउँले हात पारेको छ ।
शुक्रबार भएको फाइनल खेलमा दियालो फुटबल क्लब तरहरालाई २–० गोलले हराउँदै बाबरीले उपाधि चुमेको हो । खेल अवधिभर बेस्ट प्लेयर उपाधि बाबरी फुटबल क्लबका रोशन कार्की भए भने सर्वाधिक गोलकर्ता बाबरीकै सुदीप खड्का घोषित भएको आयोजक समितिका संयोजक विनोद मगरले बताए ।
नगर खेलकुद विकास समितिका सचिव खड्ग श्रेष्ठ, सुन्दरहरैंचा–७ का वडाध्यक्ष भुवनसिंह आलेमगर, नेपाली कांग्रेसका नगर सभापति भक्तिप्रसाद सिटौलाले विजयी खेलाडीलाई ट्रफी, नगद र मेडल वितरण गरेका थिए ।
