विराटचोकः फिफा विश्वकप–२०२६ को समूह ‘डी’ अन्तर्गत सिएटलमा भएको खेलमा अस्ट्रेलियालाई २–० ले पराजित गर्दै लगातार दोस्रो जीत हात पार्दै अमेरिका जारी विश्वकप फुटबलको नकआउट चरणमा पुग्ने दोस्रो देश बनेको छ । यसअघि मेक्सिको नकआउट चरणमा पुगिसकेको छ ।
दुई जीतसँगै अमेरिकाको ६ अंक रहेको छ । यसअघि आफ्नो पहिलो खेलमा अमेरिकाले पाराग्वेलाई पराजित गरेको थियो । अमेरिकासँग हारे पनि अघिल्लो खेल जितेको अष्ट्रेलियाको दुई खेलबाट ३ अंक छ । पाराग्वे र टर्की अंकविहीन छन् ।
अमेरिकाको जीतमा एलेक्स फ्रीम्यानले ४३ औँ मिनेटमा एक गोल गर्दा एक गोल अष्ट्रेलियाका डिफेन्डर क्यामरुन बर्गेसको आत्मघाती भएको थियो । खेलको ११ औं मिनेटमा अमेरिकाका फोलारिन बालोगुनले अष्ट्रेलियाको डिबक्सभित्र क्रस गराएका थिए । त्यसपछि अष्ट्रेलियाका डिफेन्डर क्यामरुनले क्लियर गर्ने क्रममा प्रहार गरेको बल आफ्नै गोलपोष्टमा छिर्दा अमेरिकाले उपहार गोल पाएको थियो ।
