इटहरीः प्रतिनिधिसभा निर्वाचनअन्तर्गत सुनसरी जिल्लामा खसेको समानुपातिक मतमा राष्ट्रिय स्वतन्त्र पार्टी (रास्वपा) पहिलो भएको छ ।
समानुपातिकमा रास्वपाले सुनसरीका चार निर्वाचन क्षेत्रबाट १ लाख ७८ हजार ३३३ मत प्राप्त गरेको छ । नेपाली कांग्रेस दोस्रो स्थानमा रहँदै ५२ हजार ३८३ मत ल्याएको छ ।
श्रम संस्कृति पार्टीले ४५ हजार ६९४ मत पाएको छ भने नेकपा एमालेले ३५ हजार ८९२ मत प्राप्त गरेको छ । श्रम संस्कृतिले सुनसरी क्षेत्र नम्बर १ बाटमात्रै ३२ हजार २३० समानुपातिक मत पाएको छ । सो क्षेत्रबाट प्रत्यक्षमा पार्टी सभापति हर्क साम्पाङ ३५ हजार ७४१ मत ल्याएर विजयी भएका छन् ।
नेपाली कम्युनिष्ट पार्टीले १० हजार ७९ मत प्राप्त गरेको छ ।
