अछामः नेपाली कांग्रेसका भरतकुमार स्वार प्रतिनिधि सभा सदस्य निर्वाचनमा अछामबाट विजयी हुनुभएको छ । नेपाली कम्युनिष्ट पार्टीका भीम रावललाई ५२६ मतान्तरले पराजित गर्दै स्वार विजयी हुनुभएको हो ।
निर्वाचन आयोगका अनुसार स्वारले १० हजार ७५९ मत पाउँदा रावलले १० हजार २३३ मत ल्याउनुभएको थियो । नेकपा एमालेका दीपकबहादुर साउदले ७ हजार ३८९ र रास्वपाका ओमप्रकाश रावलले १ हजार ७३९ मत ल्याउनुभयो ।
राप्रपाका लोकेन्द्रबहादुर शाहले १०२, नेपाल कम्युुनिष्ट पार्टी माओवादीका लोकेन्द्रबहादुर शाहीले ७५, स्वतन्त्र उम्मेद्वार भीमबहादुर कुँवरले ४१ र नेपाल मजदुर किसान पार्टीका सुरेन्द्र शाहीले १० मत ल्याउनुभएको छ ।
अछाममा अघिल्लो निर्वाचनमा नेपाल कम्युनिष्ट पार्टी एकीकृत समाजवादीका शेरबहादुर कुँवर १९ हजार ५३४ मत ल्याएर विजयी हुनुभएको थियो ।
