विराटचोकः अन्तरिम सरकारको शिक्षा, विज्ञान तथा प्रविधि मन्त्रीको पदबाट राजीनामा दिएर प्रतिनिधि सभा निर्वाचनका लागि म्याग्दीबाट स्वतन्त्र उम्मेद्वारी दिएका महावीर पुन फराकिलो मतान्तरले विजयी हुनुभएको छ ।
अन्तिम मत परिणामअनुसार त्रिभुज चुनाव चिह्न लिएका पुनले २२८५० मत ल्याएर विजयी हुनुभएको छ । उहाँका निकटतम प्रतिष्पर्धी नेकपा एमालेका हरिकृष्ण श्रेष्ठले ७९१९ मत प्राप्त गर्नुभएको छ ।
नेपाली कांग्रेसका कर्णबहादुर भण्डारीले ६६७६, नेपाली कम्युनिष्ट पार्टीका अर्जुनबहादुर थापाले ३५२९ र रास्वपाका युवराज रोकाले १५१९ मत ल्याउनुभएको छ ।
अन्य उम्मेद्वारले ३०० मत पनि कटाउनुभएको छैन ।
गत निर्वाचनमा म्याग्दीमा नेपाली कांग्रेसका खमबहादुर गर्बुजा २४०२१ मत ल्याएर विजयी हुनुभएको थियो ।
