काठमाडौंः प्रतिनिधिसभा निर्वाचनको तयारीबीच नेपाल आयल निगमले पेट्रोलियम पदार्थको सहज उपलब्धता सुनिश्चित गर्न सार्वजनिक बिदाका दिनमा पनि आफ्ना विभिन्न प्रादेशिक कार्यालय तथा डिपो खुला राख्ने निर्णय गरेको छ ।
निगमले मतदाता र आम नागरिकलाई इन्धनको अभाव नहोस् भनी विशेष व्यवस्थाको तयारी गरेको हो । निगमका अनुसार कोशी प्रादेशिक कार्यालय (विराटनगर) २२ र २४ गते, मधेस प्रादेशिक कार्यालय (अमलेखगञ्ज) १९, २० र २३ गते खुला रहने भएका छन् ।
बाग्मती प्रादेशिक कार्यालय (थानकोट) १८, २० र २३ गते, गण्डकी प्रादेशिक कार्यालय (पोखरा) २०, २३ र २४ गते, लुम्बिनी प्रादेशिक कार्यालय (भैरहवा) १७, १८, २० र २३ गते, कर्णाली (सुर्खेत) १८ र २० गते, र सुदूर पश्चिम (धनगढी) १९, २० र २२ गते खुला रहने भएका छन् ।
धनुषा महेन्द्रनगर इन्धन डिपो (२२ र २४ गते), नेपालगञ्ज डिपो (२० र २२ गते ), झापा चारआली शाखा (२२ र २४ गते ) तथा वीरगञ्ज शाखा कार्यालय (२०, २२, २३, २४ गते) सञ्चालन हुने निगमले जनाएको छ ।
