विशेष महाधिवेशनविरुद्ध सर्वाेच्चमा देउवा समूहको रिट दर्ता

काठमाडौंः विशेष महाधिवेशनको निर्णयको विरुद्धमा नेपाली कांग्रेस देउवा समूहका तर्फबाट सर्वाेच्च अदालतमा रिट दायर गरिएको छ । दायर गरिएको रिटको पेसी पर्सि मंगलबारका निम्ति तोकिएको छ ।

देउवा समूहले रिटमा मुख्यतः तीन माग गरेको छ । विशेष महाधिवेशनबाट निर्वाचित कार्यसमितिलाई काम गर्न रोक लगाउन रिटमा माग गरिएको छ । विशेष महाधिवेशन अवैध भएको देउवा समूहको जिकिर छ ।

यस्तै, नवनिर्वाचित कार्यसमितिलाई आसन्न प्रतिनिधिसभा सदस्य निर्वाचनको मनोनयनपत्र दर्तामा रोक लगाउन माग गरिएको छ ।