काठमाडौंः नेकपा एमालेको एघारौं महाधिवेशनमार्फत् भएको पदाधिकारी चयनअन्तर्गत सचिव पदमा ओली पक्षका सबै उम्मेद्वारले जितेका छन् ।
एमाले महाधिवेशनमा भएको निर्वाचनमा सचिव पदमा अध्यक्ष केपी शर्मा ओली प्यानलले क्लिन स्वीप गरेको छ । ९ जना सचिव पदका लागि भएको निर्वाचनमा ओलीको प्यानलबाट उम्मेद्वार भएका सबै ९ जनाले नै निर्वाचन जितेका छन् ।
एमालेको निर्वाचन आयोगका अनुसार महेश बस्नेत १५४४, पद्माकुमारी अर्याल १५३०, छविलाल विश्वकर्मा १५०६, शेरधन राई १५०३, हिक्मतकुमार कार्की १३३७, खगराज अधिकारी, १२३१, यामलाल कँडेल ११८५, राजन भट्टराई ११८१ र भानुभक्त ढकाल ११०८ मत ल्याएर विजयी भएका छन् ।
महाधिवेशनबाट अध्यक्षमा केपी शर्मा ओली र महासचिवमा ईश्वर पोखरेल विजयी भएका छन् ।
