काठमाडौंः नेपाल प्रिमियर लिग (एनपीएल)को इलिमिनेटर खेलमा काठमान्डु गोर्खाजले लुम्बिनी लायन्सविरुद्ध पहिले ब्याटिङ गरिरहेको छ । काठमान्डुका कप्तान करण केसीले टस जितेर पहिले ब्याटिङ रोज्दै लुम्बिनीलाई बलिङको निम्तो दिएका हुन् ।
यस इलिमिनेटर खेलबाट एकमात्र टोलीले मात्र उपाधिको सम्भावना कायम राख्न सक्छन् । यो नकआउट खेल हो, जहाँबाट पराजित भएमा टोलीको यात्रा समाप्त हुनेछ । विजयी हुने टोलीले फाइनल पुग्नका लागि दोस्रो क्वालिफायरमा खेल्नुपर्ने हुन्छ । आजको विजेताले विराटनगर किंग्ससँग दोस्रो क्वालिफायर खेल खेल्नुपर्नेछ ।
काठमान्डु गोर्खाजले लुम्बिनी लायन्ससँग हालसम्म खेलेका दुवै खेल जितेको छ ।
साबिक उपविजेता सुदूर पश्चिम रोयल्स फाइनलमा पुगिसकेको छ ।
