काठमाडौंः सिद्धार्थ बैंक नेपाल प्रिमियर लिग (एनपीएल) को पहिलो क्वालिफायरमा विराटनगर किंग्सलाई सुदूरपश्चिम रोयल्सले १५६ रनको लक्ष्य दिएको छ ।
टस हारेर पहिले ब्याटिङ गरेको साविक उपविजेता सुदूर पश्चिमले निर्धारित २० ओभरमा ७ विकेट गुमाएर १५५ रन बनाएको हो । सुदूर पश्चिमका लागि ओपनर विनोद भण्डारीले सर्वाधिक ६३ रन बनाए । उनले ५२ बल खेल्दै ३ चौका र २ छक्का प्रहार गरे । जारी एनपीएलको यो उनको दोस्रो अर्धशतक हो ।
शेल्डन ज्याक्सन र आरिफ शेखले समान २०–२० रन जोडे । मुख्तर अहमदले १० रन बनाए । इशान पाण्डे १३ रनमा आउट भएका थिए । कप्तान दीपेन्द्र सिंह ऐरी दुई व्यक्तिगत ३ रनमै रनआउट भए । हर्मित सिंहले ११ बलमा १४ रन जोडेका थिए ।
