काठमाडौंः नेपाल प्रिमियर लिग (एनपीएल)को पहिलो क्वालिफायरमा अहिले विराटनगर किंग्सले सुदूर पश्चिम रोयल्सविरुद्ध पहिले बलिङ (फिल्डिङ) गर्दै छ ।
टस जितेर पहिले फिल्डिङ गर्ने निर्णय गरेको विराटनगर किंग्सले सुदूर पश्चिमलाई ब्याटिङको निम्तो दिएको हो ।
यी दुई टोली शनिबार मात्र लिग चरणको आ–आफ्नो अन्तिम खेलमा एकअर्कासँग भिडेका थिए । त्यस खेलमा विराटनगरले सुदूर पश्चिमलाई ६ विकेटले पराजित गरेको थियो ।
लिग चरणबाट सुदूरपश्चिम पहिलो र विराटनगर दोस्रो स्थानमा रहँदै प्लेअफमा पुगेपछि पहिलो क्वालिफायरमा भिडेका हुन् । आजको विजेता टोली फाइनल प्रवेश गर्नेछ ।
