गछियाः गछिया युवा समाजको आयोजनामा सुन्दरहरैंचा–७ स्थित गछिया खेलमैदानमा हिजोदेखि प्रथम गछिया गोल्डकप शुरु भएको छ । हिजो भएको उद्घाटन खेलमा बेलबारी फुटबल क्लबमाथि ० का विरुद्ध १ गोल गर्दै सलहेश फुटबल क्लब क्वाटर फाइनलमा पुगेको छ ।
पहिलो हाफ गोलरहित बराबरीमा टुङ्गिए पनि दोस्रो हाफमा सलहेशका जर्सी नम्बर ११ का रोमन भुजेलले गरेको गोल नै खेलको निर्णायक गोल बनेको थियो । खेल अवधिमा दुवै टिमले गोल गर्ने धेरै मौकाको उपयोग गर्न सकेनन् ।
खेलको निर्णायक एक मात्र गोल गर्ने सलहेशका जर्सी नम्बर ११ का रोमन भुजेल म्यान अफ दि म्याच घोषित हुँदै नगद ५ हजार १०० रुपैयाँ प्राप्त गरे ।
आजको खेल आयोजक गछिया युवा समाज र लिजेण्ड फुटबल एकेडेमी पश्चिम बंगाल, भारतबीच हुनेछ ।
