काठमाडौंः आजदेखि दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति बचाउ अभियानले गर्ने भनिएका आन्दोलनका कार्यक्रम फिर्ता भएका छन् । हिजो साँझ सरकारसँग भएको सहमतिपछि सो समूहले आन्दोलनका कार्यक्रम फिर्ता लिएको हो ।
वार्तामा सरकारका तर्फबाट गृहमन्त्री ओमप्रकाश अर्याल, प्रधानमन्त्रीका मुख्य सल्लाहकार अजयभद्र खनाल र सल्लाहकार गोविन्दनारायण तिमिल्सिनालगायत सहभागी थिए ।
आजदेखि गर्ने भनिएको आन्दोलन फिर्ता लिने र अर्को चरणको वार्ता महाभियानको नेतृत्वसहित चाँडै गर्ने समझदारी भएको प्रधानमन्त्रीको कार्यालयले जनाएको छ । वार्तामा महाअभियानले उठाएका २७ बुँदे मागहरुका सन्दर्भमा विस्तृत छलफल भएको पनि जनाइएको छ ।
