केराबारीः मोरङको केराबारी गाउँपालिका वडा नम्बर १० का पूर्व वडाध्यक्ष तथा नेकपा एमाले मोरङ जिल्ला कमिटीका निवर्तमान सदस्य जङ्गराज खवासको असामयिक निधन भएको छ ।
वामपन्थी आन्दोलनका पुराना होनाहार र सक्रिय नेताको रूपमा परिचित खवासको निधनले गाउँ, समाज र पार्टी परिवारमा शोक छाएको छ । पार्टीका नेताहरूले स्वर्गीय खवासलाई निष्ठावान, इमानदार र जनपक्षीय नेताको रूपमा स्मरण गरेका छन् ।
वडाध्यक्ष रहँदा उहाँले स्थानीय विकास, पूर्वाधार निर्माण र जनजीवनका विषयमा उल्लेखनीय योगदान गर्नुभएको थियो ।
