विराटचोकः जल तथा मौसम विज्ञान विभागको मौसम पूर्वानुमान महाशाखाका अनुसार मोन्था चक्रवातका कारण गत १२ घण्टामा मोरङको सुन्दरहरैंचाको हरैंचामा सबैभन्दा धेरै वर्षा भएको छ ।
विभागका अनुसार पछिल्लो १२ घण्टामा मोरङको हरैँचामा सबैभन्दा धेरै १४०.६ मिलिमिटर वर्षा भएको छ । त्यस्तै सप्तरीको बरमझियामा १०५.६, उदयपुरको उदयपुरगढीमा ८३.२, उदयपुरको गाईघाटमा ७४, उदयपुरको मुर्कुची बजारमा ७३.६, बाराको चुरेमाईमा ७२.४ र सिरहाको लहानमा ७१.६ मिलिमिटर वर्षा भएको छ ।
विभागका अनुसार भोलि बिहानसम्म चक्रवातको प्रभावका कारण वर्षा हुनेछ ।
