काठमाडौंः भूमि व्यवस्थापन तथा अभिलेख विभागको तथ्याङ्कअनुसार पछिल्ला दिनमा घरजग्गा कारोबार घट्दै गएको छ ।
असोजमा देशभरका मालपोत कार्यालयबाट २३ हजार ३ सय ५३ लिखत पारित भएको छ । भदौमा २७ हजार ४ सय ९४ तथा गत वर्षको असोजमा ३० हजार ५ सय २७ लिखत पारित भएको विभागले जनाएको छ ।
असोजमा किनबेच घटेका कारण घरजग्गा कारोबारबाट जम्मा २ अर्ब ७३ करोड १८ लाख ८ हजार रुपैयाँ राजस्व सङ्कलन भएको छ । गत भदौमा ३ अर्ब १४ करोड ७ लाख १६ हजार रुपैयाँ राजस्व सङ्कलन भएको थियो ।
गत साउनमा ३१ हजार ६२१ लिखत पारित हुँदा ३ अर्ब २८ करोड ९१ लाख रुपैयाँ र असारमा ५५ हजार ५ सय २४ लिखत पारित हुँदा ६ अर्ब ५५ करोड १७ लाख रुपैयाँ राजस्व सङ्कलन भएको थियो ।
