विराटचोकः नेपालले आईसीसी टी–२० विश्वकप एशिया तथा इस्ट एशिया पेसिफिक छनोटको सुपर सिक्सअन्तर्गत युएईसँग १ रनले जीत हासिल गरेको छ ।
खेलमा नेपालले १४१ रनको लक्ष्य दिएको थियो । सो लक्ष्य पछ्याएको यूएईले २० ओभरमा ९ विकेट गुमाएर १३९ रन बनाएको थियो ।
टस जितेर पहिले ब्याटिङ गरेको नेपालले ओपनर आसिफ शेखको अर्धशतक मद्दतमा २० ओभरमा ६ विकेट गुमाएर १४० रन बनाएको थियो ।
आसिफले ४७ बलमा ५१ रन बनाए । त्यस्तै कुशल भुर्तेलले २८ रन तथा कप्तान रोहित पौडेलले २० रन बनाए । गुल्सन झाले ५ बलमा १४ रन बनाएर आउट भए ।
