विराटचोकः नेपालको पहिलो महिला प्रधानमन्त्री सुशीला कार्की विश्वको ८० औँ महिला प्रधानमन्त्री बन्नुभएको छ । कार्कीको नियुक्तिले नेपालको राजनीतिमा मात्र होइन, विश्वको राजनीतिमै अनेकौं रेकर्ड कायम भएका छन् ।
सन् १९६० को जुलाई २१ मा श्रीलंकाकी श्रीमाओ बन्दरनायकेले विश्वमै पहिलो पटक प्रधानमन्त्री हुने अवसर पाउनुभएको थियो । त्यसयताको ६५ वर्षमा विश्वमा कार्कीसहित ८० जना महिला प्रधानमन्त्री हुनुभएको छ ।
अहिले नेपालसहित श्रीलंका, समाओ, लाट्भिया, कंगो, इटाली, बर्बाडोस, आइसल्याण्ड, नामिबिया, डेनमार्क, ट्रिनीडाट एण्ड टोबाकोमा महिला प्रधानमन्त्री हुनुहुन्छ ।
