धरानः पत्रकार विमल शाक्य अहिले तनवामा छन् । जेन जी आन्दोलनको क्रममा नेकपा एमाले धरानको पार्टी कार्यालयमा ढुङ्गा हानेको फुटेज सार्वजनिक भएपछि सो घटनाबाहेक अन्य घटना आफू संलग्न नभएको उनले स्पष्टीकरण दिएका छन् ।
पत्रकार सम्मेलन गर्दै पत्रकार शाक्यले भने, ‘बालबालिकाहरूको हत्या भएको घटनाले आवेशमा आएर आक्रोशस्वरूप सानो ढुङ्गासम्म हानेको हुँ । त्यसबाहेक मेरो यो विरोध आन्दोलन र सो सम्बन्धी अन्य कुनै पनि घटनामासहभागिता र संलग्नता छैन ।’
सो घटनालाई अतिरञ्जित गरी आफूले नै आन्दोलनको अगुवाइ गरेको भन्ने जस्तो गरी भ्रामक समाचार आएकोमा उनले आपत्ति जनएका हुन् । घटनाको बारेमा सत्य तथ्य बुझ्न र छानबिन गर्न शाक्यले आग्रह गरेका छन् ।
पत्रकार शाक्य धरानका परिचित छापाखाना व्यवसायी, बुद्ध धर्मका अनुयायी र विपश्यना ध्यानका प्रशिक्षकसमेत हुन् ।
सम्बन्धित समाचारः
तोडफोड र आगजनीमा संलग्नलाई कारबाही गर्न नेकपा एमाले धरानको माग
