विराटचोकः आज पनि नेपाली बजारमा सुन र चाँदी दुवैको मूल्य घटेको छ । हिजो बिहीबार पनि सुन र चाँदीको मूल्य घटेको थियो ।
नेपाल सुनचाँदी व्यवसायी संघका अनुसार आज छापावाल सुन प्रतितोला ५०० रुपैयाँ मूल्य घटेको छ । आज सुन प्रति तोला १ लाख ९३ हजार १०० रुपैयाँमा कारोबार भइरहेको छ ।
आज चाँदीको मूल्य पनि तोलामा ३५ रुपैयाँ घटेर २ हजार २७० रुपैयाँ प्रति तोलामा कारोबार भइरहेको छ ।
हिजो सुनको भाउ तोलामा ८०० रुपैयाँ र चाँदीको भाउ तोलामा ७० रुपैयाँ घटेको थियो ।
