लेटाङः मोरङको लेटाङ नगरपालिका वडा नं. ८ जाँतेमा खुला स्थानमा लाग्दै आएको कृषि हाट अब टहरामा सरेको छ । नगरपालिकाले टहरा निर्माण गरेपछि तिनै टहरामा हाट लाग्न थालेको हो ।
नवनिर्मित मङ्गलबारे कृषि हाटबजार टहराको उद्घाटन लेटाङ नगरपालिकाका नगरप्रमुख भुपेन्द्रकुमार लावतीले मङ्गलबार गर्नुभएको छ । हाटबजार उद्घाटन कार्यक्रमको अतिथिहरूमा नगरउपप्रमुख कृष्णकुमारी निरौला, वडा नं. ८ का अध्यक्ष भीम पोख्रेल, वडा नं. ९ का अध्यक्ष नन्दप्रसाद खतिवडाका साथै जनप्रतिनिधिहरू, व्यापारी, लगायत सामाजिक एवं राजनीतिक व्यक्तित्वहरूको उल्लेखनीय उपस्थिति रहेको थियो ।
नगरपालिकाले विनियोजन गरेको ३५ लाख रुपैयाँको लागतमा बजारस्थल निर्माण भएको हो ।
