विराटचोकः अन्ततः लगानीकर्ताले तय गरेको मनोवैज्ञानिक रेखाभन्दा माथि शेयर बजार अडिएको छ । योसँगै गत आर्थिक वर्षको भन्दा माथि शेयर बजार अडिएको छ । गत वर्ष साउन ३१ गते नेप्से ३००० दशमलव ८१ बिन्दुमा पुगेपछि घटेर २६०० बिन्दुसम्म आएको थियो । आज बजार १ दशमलव ०३ प्रतिशत अर्थात् ३० दशमलव ७६ अङ्क बढेर ३००२ दशमलव ०७ अङकमा अडिएको छ ।
योसँगै बजार पूँजीकरण पनि ५० खर्ब नाघेर हालसम्मकै उच्च पूँजीकरण कायम भएको छ । आज बजार पूँजीकरण ५० खर्ब ९ अर्ब ४६ करोड ४५ लाख २ हजार ३४७ रुपैयाँ कायम भएको छ ।
आज ३२१ वटा कम्पनीको ४ करोड १८ लाख ८ हजार ९६६ कित्ता शेयर १ लाख ५७ हजार ५२५ पटक किनबेच हुँदा १८ अर्ब ५२ करोड ९३ लाख २२ हजार ८८५ रुपैयाँको शेयर किनबेच भएको छ ।
३ वटा बाहेक अन्य सबै समूहमा हरियाली छाउँदा अन्य समूह सर्वाधिक अर्थात् २ दशमलव ६९ प्रतिशतले बढेको छ । आज विकास बैंक समूह ० दशमलव ४९ प्रतिशत, फाइनान्स समूह ० दशमलव १० प्रतिशत र व्यापार समूह ० दशमलव २५ प्रतिशत घटे ।
आज हिमालयन डिस्टिलरीको सर्वाधिक ६४ करोड ४१ लाख ३८ हजार २७५ रुपैयाँको शेयर किनबेच भएको छ । ग्रीन भेन्चर लिमिटेड, नेपाल पुनर्बीमा कम्पनी, हिमालयन रि इन्स्योरेन्स र राधी विद्युत कम्पनी सर्वाधिक कारोबार गर्ने कम्पनीमा परेका छन् ।
आज मुक्तिनाथ कृषि कम्पनी, ट्रेड टावर, सान्भी इनर्जी र नाडेप लघुवित्तको सेयरमूल्य १० प्रतिशतले बढेको छ । समता घरेलु लघुवित्तको शेयरमूल्य सर्वाधिक ८ दशमलव ६० प्रतिशतले घटेको छ ।
आज प्रभु बैंकको सर्वाधिक १८ लाख ५८ हजार २२३ कित्ता शेयर किनबेच भएको छ । कुमारी बैंक, सनराइज ब्लुचिप फण्ड, ग्रीन भेञ्चर लिमिटेड र ङादी ग्रुप पावरको सर्वाधिक कित्ता शेयर किनबेच भएको छ ।
