विराटचोकः सुन्दरहरैंचालाई देश तथा विदेशमा चिनाउने गरी सुन्दरहरैंचामा असार महिनामा केही काम भएका छन् । नगरले प्रत्येक वडाबाट १ जोडी दम्पत्तिलाई ढुकुर जोडी भनेर सम्मान गरेको छ । त्यस्तै, विराटचोक क्षेत्रमा रात्रिकालीन वा सन्ध्याकालीन बजार लगाउने विषयमा पनि छलफल भएको छ । यीलगायत असार महिनामा सञ्चारमाध्यममा सुन्दरहरैंचासँग सम्बन्धित भएका केही समाचार यस्ता थिएः
१ असार
गछिया खानेपानी तथा सरसफाइ उपभोक्ता समितिको नयाँ नेतृत्व चयनका लागि निर्वाचन सम्पन्न । नेतृत्व हात पार्न ४ समूहले उम्मेद्वारी दिएका थिए ।
करेन्ट लगाएर माछा मार्ने क्रममा आफैँलाई करेन्ट लागेर मृत्यु भएका सुन्दरहरैंचा–७ खयरडाँडाका दम्पत्ति कान्छा भनिने पूर्ण लिम्बू र उहाँकी श्रीमती भुलमाया लिम्बूको इटहरीस्थित बुढीगंगा मुक्तिघाटमा अन्त्येष्टी ।
२ असार
महिला अधिकारको लागि राष्ट्रिय अभियानको आयोजनामा सुन्दरहरैंचा नगरपालिकाको वडा नम्बर ३ मा क्षमता अभिवृद्धि तथा उद्घोषण तालिम सम्पन्न ।
गछिया खानेपानी तथा सरसफाइ उपभोक्ता समितिको नयाँ नेतृत्व चयनका लागि भएको निर्वाचनमा उमेश वस्तीको प्यानल विजयी ।
५ असार
सुन्दरहरैंचा उद्योग वाणिज्य संघद्वारा आयोजित १ करोड संकलन अभियान प्रारम्भ, व्यवसायी रञ्जित कार्कीद्वारा ३१ हजार १०० रुपैयाँ प्रदान गरी कार्यक्रम शुभारम्भ
८ असार
सुन्दरहरैंचा नगरपालिकाको आगामी आर्थिक वर्षको नीति र कार्यक्रम सोह्रौँ नगरसभामा प्रस्तुत
९ असार
सुन्दरहरैंचा उद्योग वाणिज्य संघद्वारा करदाता शिक्षा अभिमुखीकरण कार्यक्रम सञ्चालन, उद्योगी तथा व्यवसायीको उल्लेख्य सहभागिता
१० असार
आगामी आर्थिक वर्षका लागि सुन्दरहरैंचा नगरपालिकाद्वारा १ अर्ब ७१ करोड २७ लाख ९ हजार १८० रुपैयाँको बजेट प्रस्तुत ।
पूर्वाञ्चल विश्वविद्यालय शिक्षण अस्पताल गोठगाउँमा शल्यक्रिया सेवा शुरु । २८ वर्षीय पुरुषको कुमको सफल शल्यक्रिया
११ असार
सुन्दरहरैंचा नगरपालिका वडा नम्बर ९ को आर्थिक सहयोग तथा इष्ट मिडिया नेटवर्कको आयोजनामा सुन्दरहरैंचा नगरपालिकाको वडा नम्बर ९ का बासिन्दाका लागि कौसीखेती तालिम शुरु
१२ असार
सुन्दरहरैंचा नगरपालिका वडा नम्बर ९ को आर्थिक सहयोग तथा इष्ट मिडिया नेटवर्कको आयोजनामा सुन्दरहरैंचा नगरपालिकाको वडा नम्बर ९ का बासिन्दाका लागि कौसीखेती तालिम सम्पन्न
१३ असार
असार १० गते आगामी आर्थिक वर्षका लागि सुन्दरहरैंचा नगरपालिकाका उपप्रमुख अकली चौधरीले प्रस्तुत गर्नुभएको १ अर्ब ७१ करोड २७ लाख ९ हजार १८० रुपैयाँको बजेट पारित ।
१४ असार
सुन्दरहरैंचा नगरपालिका वडा नम्बर ८ का वडाध्यक्ष खेम न्यौपानेलाई मातृशोक । न्यौपानेकी आमा सरस्वती न्यौपानेको ९१ वर्षको उमेरमा निधन ।
सुकुना सामुदायिक वन उपभोक्ता समूहको आयोजनामा वन उपभोक्ता समूहका पदाधिकारीका लागि उद्घोषण तालिम शुरु ।
१५ असार
सुन्दरहरैंचा ११ कर्जुनामा रोपाइँ गरी धान दिवस मनाइएको छ ।
१७ असार
सुन्दरहरैंचा नगरपालिकाले दलित उत्थान कार्यक्रमअन्तर्गत दलित समुदायलाई १० लाख रुपैयाँको पेशागत सामग्री प्रदान गरेको छ ।
नेपालिरिका होटल र ब्राइट फ्युचर स्कुलबीच सम्झौता सम्पन्न । सम्झौताअनुसार ब्राइट फ्युचरमा कक्षा ११ र १२ मा अध्ययनरत विद्यार्थीले हरेक वर्ष एक महिना नेपालिरिका होटलमा अनिवार्य इन्टर्नसीप गर्न पाउने ।
१८ असार
सुकुना सामुदायिक वन उपभोक्ता समूहको आयोजनामा भएको उद्घोषण तालिमको समापन
२० असार
सुन्दरहरैंचा नगरपालिकाको चालु आर्थिक वर्षको तेस्रो चौमासिक सार्वजनिक सुनुवाइ सुन्दरहरैंचा–५ मा रहेको सतकबीर धार्मिक भवनमा सम्पन्न ।
२१ असार
सुन्दरहरैंचामा रात्रिकालीन बजार लगाउने विषयमा प्रारम्भिक छलफल । सुन्दरहरैंचा उद्योग वाणिज्य संघको आयोजनामा भएको छलफलको दोस्रो चरणमा घरधनीसँग अन्तरक्रिया गरिने ।
नझरेका फूलहरुद्वारा आयोजित उद्घोषण तालिम समापन ।
हसिना सिमसारलाई डिभिजन वन कार्यालयले दियो दुनाटपरी बनाउने मेसिन । सिमसारमा आउने पर्यटक र वनभोजका लागि जाने टोलीका लागि तिनै दुनाटपरी प्रयोग गरी प्लाष्टिकका प्लेट निषेध गरिने सिमसारको भनाइ ।
स्वालम्बन विकास मञ्च (सिड नेपाल) द्वारा विद्यालय निरन्तरतासम्बन्धी सामाजिक परीक्षण सुन्दरहरैंचा–८ मा रहेको शिक्षा निकेतन माविमा सम्पन्न ।
२२ असार
विराट मिडिया एण्ड एड्भरटाइजिङ प्रालिको सहजीकरणमा सुन्दरहरैंचा–१२ को सार्वजनिक सुनुवाइ सम्पन्न ।
असार २६
स्थानीय विपद् तथा जलवायु उत्थानशील योजनासम्बन्धी कार्यक्रम सुन्दरहरैंचा नगरपालिकामा सम्पन्न ।
असार २७
पञ्चायत मावि सुन्दरहरैंचा–७ गोठगाउँलाई एनएमबी बैंक गोठगाउँ शाखाले संस्थागत सामाजिक उत्तरदायित्वअन्तर्गत १ लाख ५० हजार रुपैयाँ मूल्यबराबरका ३२ जोडी डेस्कबेञ्च प्रदान ।
असार २८
सुन्दरहरैंचा महिला मञ्चको आयोजनामा क्षमता विकास तथा उद्घोषण तालिम प्रारम्भ ।
देवस्थल किरातेश्वर शिवालय मन्दिर सुन्दरहरैंचा–६ मा एक महिना आयोजना हुने श्रावण मासोत्सवको बारेमा जानकारी दिन पत्रकार सम्मेलनको आयोजना ।
सुन्दरहरैंचा–१० खोर्साने चोकमा निर्माण गरिएको खोर्सानीको प्रतिमासहितको लायन्स स्तम्भको उद्घाटन ।
धनकुटाको भेडेटारमा भएको सुनचाँदी व्यवसायी संघ सुन्दरहरैंचाको अधिवेशनबाट संघको अध्यक्षमा टेकमणि न्यौपाने (विवेक) चयन ।
२९ असार
सुन्दरहरैंचा नगरपालिकाले शुरु गर्याे नयाँ अभ्यास । प्रत्येक वडाका १२ उत्कृष्ट दम्पत्ति (ढुकुर जोडी) चयन । प्रत्येक जोडीलाई दोसल्ला, प्रमाणपत्र र नगद १० हजारसहित सम्मान ।
भानु साझा पुस्तकालय र नझरेका फूलहरुको संयुक्त आयोजनामा भानु साझा पुस्तकालय सुन्दरहरैंचा–५ तीनपैनीमा गायक लोचक भट्टराईको प्रमुख आतिथ्यतामा २१२ औँ भानु जयन्ती सम्पन्न ।
सम्बन्धित समाचारहरूः
‘ढुकुर जोडीका लागि आवेदनदेखि करेन्ट लागेर दम्पत्तिको निधनसम्म’ यी हुन् सुन्दरहरैंचासँग सम्बन्धित जेठ महिनाका समाचारहरू
