विराटचोकः राष्ट्रिय निजी तथा आवासीय विद्यालय नेपाल (एन प्याब्सान) सुन्दरहरैंचाको आयोजनामा शुक्रबार भएको नगरस्तरीय हस्तलेखन प्रतियोगितामा हिमालय इङ्लिस स्कुल, सुन्दरहरैंचाका विद्यार्थीहरूले उत्कृष्ट सफलता हासिल गरेका छन् ।
सो विद्यालयका विद्यार्थीले पहिलो तहमा अङ्ग्रेजी भाषामा पहिलो स्थान, दोस्रो तहमा अङ्ग्रेजी र नेपाली दुवै भाषामा पहिलो स्थान, तेस्रो तहमा अङ्ग्रेजीमा पहिलो र नेपालीमा दोस्रो स्थान, चौथो तहमा अङ्ग्रेजी र नेपाली दुवै भाषामा पहिलो स्थान तथा पाँचौ तहमा अङ्ग्रेजी र नेपाली दुवै भाषामा पहिलो स्थान प्राप्त गरेका हुन् ।
