दुलारीः हिजो सम्पन्न गछिया खानेपानी उपभोक्ता तथा सरसफाइ समितिको नयाँ नेतृत्वका लागि भएको निर्वाचनबाट अध्यक्ष पदमा उमेश वस्ती विजयी हुनुभएको छ ।
अध्यक्ष पदमा सदर ७४३ मतमध्ये उहाँले २६७ मत पाउनुभएको हो । अन्य उम्मेद्वारमा रामबहादुर सेलुवालले २००, नवीन दाहालले १७६ र बाबुकृष्ण दाहालले १०० मत पाउनुभएको छ ।
उपाध्यक्ष पदमा ७१० मत सदर भएकोमा ईश्वरबहादुर दाहाल खत्री २६८ मत ल्याएर विजयी हुनुभएको छ । सो पदमा तुलसीप्रसाद निरौलाले २१५, मोहनप्रसाद ढकालले १५२ र सुरेशकुमार दर्जीले ७५ मत पाउनुभयो ।
सचिव पदमा ६७८ मत सदर भएकोमा तोयानाथ न्यौपाने कमल २७२ मत ल्याएर विजयी हुनुभएको छ । टीकाराम पराजुलीले २०७, केदार नेपालले ११२ र चन्द्रप्रसाद कोइरालाले ८७ मत पाउनुभएको छ ।
कोषाध्यक्ष पदमा ६९२ मत सदर भएकोमा देवीबहादुर भण्डारी (रामकाजी) ३६१ मतका साथ विजयी हुनुभएको छ । सो पदमा नवराज पौडेलले २०२ र रोहितबहादुर दाहालले १२९ मत पाउनुभएको छ ।
लेखा संयोजकमा सदर ६०६ मतमध्ये राजेन्द्र श्रेष्ठ ३६५ मत ल्याएर विजयी हुनुभएको छ । प्रतिद्वन्द्वी हर्कराज परियारले २४१ मत पाउनुभएको छ ।
लेखा सदस्यमा सदर ५६९ मतमध्ये टंकमणि न्यौपाने (प्रकाश) ३०७ मत ल्याएर विजयी हुनुभएको छ । दुई जना विजयी हुने यस पदमा गणपति बास्तोला र लक्ष्मी श्रेष्ठ सापकोटाको समान २४५ मत आएको छ । थिरप्रसाद कट्टेलले २२२ र भक्तमाया अधिकारीले ११९ मत पाउनुभएको छ ।
