विराटचोकः नेकपा एमाले मोरङको दशौँ जिल्ला अधिवेशनमा अध्यक्ष पदका दुवै जना उम्मेद्वार सुन्दरहरैंचाका हुनुहुन्थ्यो । जिल्ला समन्वय समिति मोरङका अध्यक्ष अजम्बर राई र पूर्व प्रदेश वन राज्यमन्त्री राजकुमार ओझाबीच अध्यक्ष पदका लागि भएको निर्वाचनमा अजम्बर राई ४४६ मत ल्याएर निर्वाचित हुनुभएको छ । ओझाले ४०७ मत ल्याउनुभएको छ ।
त्यस्तै, उपसचिव पदमा सुन्दरहरैंचाकै सन्तोष बान्तवा ४९० मत ल्याएर विजयी हुनुभएको छ । सो पदका अर्का प्रतिष्पर्धी इजालाल राजवंशीले ३११ मत ल्याउनुभएको थियो ।
महिला सदस्य पदमा सुन्दरहरैंचाबाट रुकमिणा घिमिरे (रुजा) ३९१ मत ल्याएर विजयी हुनुभएको छ । ३ जना निर्वाचित हुनुपर्ने सो पदमा ५ जनाको उम्मेद्वारी परेको थियो ।
आदिवासी जनजाति खुलामा भक्तकिरण राई २९८ मत ल्याएर विजयी हुनुभएको छ । २ जना निर्वाचित हुने सो पदका लागि ५ जनाले उम्मेद्वारी दिनुभएको थियो ।
दलित महिला सदस्यमा टुनाकुमारी विश्वकर्मा (प्रमिला) २६४ मत ल्याएर विजयी हुनुभएको छ । एक जना निर्वाचित हुने सो पदमा ५ जनाको उम्मेद्वारी परेको थियो ।
भूगोल खुलामा सुन्दरहरैंचाबाट ७ जना निर्वाचित हुनुभएको छ । इन्द्रप्रसाद भट्टराई (४८६), खेमप्रसाद न्यौपाने (४८६), खड्गबहादुर श्रेष्ठ (३७२), गणेश चौधरी (३६४), रोशनप्रसाद ढकाल (३५४), जयप्रकाश रायमाझी (३५१) र उमेश वस्ती (३४५) निर्वाचित हुनुभएको छ । सो पदका लागि १२ जनाको उम्मेद्वारी परेको थियो । उहाँहरुमध्ये न्यौपाने, चौधरी र ढकाल सुन्दरहरैंचा नगरपालिकाको वडा नम्बर ८, ५ र १२ का वडाध्यक्ष हुनुहुन्छ । श्रेष्ठ नगर खेलकुद विकास समितिका सदस्य सचिव हुनुहुन्छ ।
भूगोल महिलामा उपप्रमुख अकली चौधरी ५७८ मत ल्याएर विजयी हुनुभएको छ । वडा नम्बर ११ निवासी तुलसा आचार्य ४९८ मत ल्याएर विजयी हुनुभएको छ । निवर्तमान कार्यपालिका सदस्य तारा घिमिरे ३८९ र कार्यपालिका सदस्य बबिता खापुङ ३४८ मत ल्याएर विजयी हुनुभएको छ । ४ जना निर्वाचित हुने सो पदमा ६ जनाको उम्मेद्वारी परेको थियो ।
भूगोल युवामा मनोज दाहाल ३५९ मत र मिलन घिमिरे (रुद्र) ३४७ मत ल्याएर विजयी हुनुभएको छ । २ जना निर्वाचित हुने सो पदमा ४ जनाको उम्मेद्वारी परेको थियो ।
सदस्य युवा हलतर्फ मनोज राई ३४० मत ल्याएर विजयी हुनुभएको छ । २ जना निर्वाचित हुने सो पदमा ६ जनाको उम्मेद्वारी परेको थियो ।
थप समाचार
नेकपा एमाले जिल्ला कमिटी मोरङमा लेटाङबाट ८ जना निर्वाचित
