विराटनगरः कोभिडको समयमा अत्याधिक दर्ता भएका साना तथा घरेलु उद्योगहरु त्यसपछि भने घट्दो क्रममा रहेको पाइएको छ । कोशी प्रदेशको उद्योग, कृषि तथा सहकारी मन्त्रालयले दिएको तथ्याङ्क अनुसार विगत चार आर्थिक वर्षको तुलनामा गत आर्थिक वर्षमा उद्योग दर्ताको समय कम देखिएको हो ।
आर्थिक वर्ष २०७५–०७६ मा ६ हजार ९ सय ४३ वटा उद्योग दर्ता भएका थिए । आर्थिक वर्ष २०७६–०७७ मा ६ हजार ५ सय ६१ वटा, आर्थिक वर्ष ०७७–०७८ मा १४ हजार ५ सय २७ वटा उद्योग दर्ता भएका थिए ।
आर्थिक वर्ष ०७८–०७९ ९ हजार ९ सय १० वटा उद्योगहरु दर्ता भए । आर्थिक वर्ष २०७९–०८० मा ५ हजार २ सय ५ वटा उद्योग दर्ता भएका छन् ।
