Thursday, November 19, 2026
Homeअर्थकर दिवसमा नोबेल अस्पतालदेखि नबिल बैंकसम्म सम्मानित, व्यक्तिगततर्फ राजबहादुर शाह

कर दिवसमा नोबेल अस्पतालदेखि नबिल बैंकसम्म सम्मानित, व्यक्तिगततर्फ राजबहादुर शाह

विराटचोकः राष्ट्रिय कर दिवसका अवसरमा सरकारले गत आर्थिक वर्षको कर चालु आर्थिक वर्षमा तिर्नेमध्ये सर्वाधिक कर दाखिला गर्ने उत्कृष्ट करदाता तथा व्यावसायिक प्रतिष्ठानहरूलाई सम्मान गरेको छ ।

मंसिर १ गते आयोजित विशेष समारोहमा अर्थमन्त्री डा. स्वर्णिम वाग्लेले व्यक्तिगततर्फ सबैभन्दा बढी आयकर तिर्ने राजबहादुर शाहसहित विभिन्न १६ विधाका उत्कृष्ट करदाताहरूलाई सम्मानपत्र प्रदान गर्नुभएको हो ।

व्यक्तिगत आयकरतर्फ राजबहादुर शाहले लगातार दोस्रो वर्ष मुलुककै सर्वाधिक करदाताको उपाधि कायम राख्नुभएको हो ।

यसैगरी, बैंक, वित्तीय संस्था तथा बीमा क्षेत्रतर्फ नबिल बैंक लिमिटेडले सबैभन्दा बढी आयकर दाखिला गरी उत्कृष्ट करदाताको सम्मान प्राप्त गरेको छ । गत वर्ष सो विधामा नेपाल इन्भेष्टमेन्ट मेगा बैंक सम्मानित भएको थियो ।

स्वास्थ्य क्षेत्रमा नोबेल हस्पिटलले यस वर्ष पनि सर्वाधिक कर तिर्ने करदाताको सम्मान पाएको छ ।

सरकारले प्रतिकूल परिस्थितिका बाबजुद उदाहरणीय व्यावसायिकता र उद्यमशीलता प्रदर्शन गर्दै मुलुकको राजस्वमा निरन्तर उच्च योगदान पुर्याएको भन्दै भाटभटेनी सुपरमार्केट एन्ड डिपार्टमेन्टल स्टोर प्रालिलाई विशेष सम्मान प्रदान गरेको छ ।
आन्तरिक राजस्व विभागले पारदर्शी व्यावसायिक अभ्यास, समयमै कर दाखिला गर्ने संस्कारको विकास तथा राज्यको वित्तीय पूँजी निर्माणमा टेवा पुर्याउने उद्देश्यले हरेक वर्ष मंसिर १ गते राष्ट्रिय कर दिवसका अवसरमा विभिन्न क्षेत्रका उत्कृष्ट करदाताहरूलाई पुरस्कृत गर्दै आएको छ ।

RELATED ARTICLES

LEAVE A REPLY

Please enter your comment!
Please enter your name here

- Advertisment -
- Advertisment -
- Advertisment -
- Advertisment -

Most Popular

Recent Comments