हात्तीको आक्रमणबाट एक जनाको मृत्यु

दमकः हात्तीले आक्रमणमा परी दमकका ४५ वर्षीय मीन भण्डारीको मृत्यु भएको छ ।

जिल्ला प्रहरी कार्यालय झापाका अनुसार आज बिहान करीब २ बजे दमक–३ दीपज्योति टोलमा जङ्गलबाट आएको एउटा हात्तीले आक्रमण गर्दा उनको मृत्यु भएको हो । स्थानीय सुविन भट्टराईको भान्साघर भत्काउन लागेको देखेपछि हात्तीलाई धपाउने क्रममा उनलाई हात्तीले आक्रमण गरेको स्थानीयले बताएका छन् ।