विराटचोकः चालु आर्थिक वर्षको पहिलो त्रैमासमा गत आर्थिक वर्षको यसै अवधिको तुलनामा राष्ट्रिय स्तरका विकास बैंकले खुद नाफा २९ दशमलव ०७ प्रतिशतले बढाएका छन् ।
चालु आर्थिक वर्षको पहिलो त्रैमासमा ८ वटा राष्ट्रियस्तरका विकास बैंकले १ अर्ब ४२ करोड ९५ लाख रुपैयाँ नाफा कमाएका छन् । गत वर्ष सोही अवधिमा राष्ट्रियस्तरका विकास बैंकहरुको नाफा १ अर्ब १० करोड ७५ लाख रुपैयाँ थियो ।
महालक्ष्मी विकास बैंकबाहेक ७ बैंकले नाफा बढाएका छन् । ज्योति विकास बैंकको नाफा सबैभन्दा धेरै १९७ दशमलव ६० प्रतिशतले बढेकोे छ । दोस्रोमा धेरै नाफा बढाउनेमा कामना सेवा विकास बैंकको रहेको छ । जसको नाफा ४६ प्रतिशतले बढेको छ ।
सबैभन्दा धेरै नाफा गर्नेमा मुक्तिनाथ विकास बैंक छ । मुक्तिनाथले २८ करोड १८ लाख रुपैयाँ खुद नाफा गरेको छ । मुक्तिनाथ विकास बैंकको नाफा २३.१७ प्रतिशतले बढेको छ ।
य शाइन रेसुङा विकास बैंकले २३ करोड ९३ लाख, गरिमा विकास बैंकले २२ करोड ५७ लाख , लुम्बिनीले २० करोड १९ लाख, कामना सेवाले १७ करोड ४९ लाख, ज्योतिले १५ करोड ११ लाख, महालक्ष्मीले ९ करोड ४२ लाख रुपैयाँ नाफा कमाएका छन् ।
सबैभन्दा कम नाफा कमाउने बैंक सांग्रिला डेभलपमेन्ट बैंकले ६ करोड १ लाख रुपैयाँ नाफा कमाएको छ । बैंकको नाफा २९ प्रतिशतले बढेको हो । सांग्रिलाले गत आर्थिक वर्षको सोही अवधिम्ममा ४ करोड ६५ लाख रुपैयाँ खुद नाफा कमाएको थियो।
महालक्ष्मी विकास बैंकको नाफा भने १.१४ प्रतिशतले घटेको छ ।
