विराटचोकः श्री सहकारी संस्था सुन्दरहरैंचाको अध्यक्षमा रमेश खड्का चयन हुनुभएको छ । गत जेठ १० गते श्री सहकारी संस्था र सुधांशु बचत तथा ऋण सहकारी संस्था मर्ज भएपछि खड्का संस्थाको अध्यक्ष चयन हुनुभएकोमा शनिबार भएको संस्थाको ३३ औँ साधारणसभाले पुनः खड्कालाई नै अध्यक्षमा चयन गरेको हो । मर्ज हुनुपूर्व खड्का सुधांशु बचत तथा ऋण सहकारी संस्थाको अध्यक्ष हुनुहुन्थ्यो ।
नयाँ कार्यसमितिको उपाध्यक्षमा नवराज चापागाईँ र जिल्ला संघ प्रतिनिधिमा गोकुल तिम्सिना चयन हुनुभएको छ । सदस्यहरुमा केशव अधिकारी, ललितबहादुर श्रेष्ठ, रामअवतार ठाकुर, सुरेन्द्रबहादुर थापा, अनुरोध साह र मुना मैनाली चयन हुनुभएको छ ।
रामप्रसाद गजुरेलको संयोजकत्वमा लोकेन्द्र दाहाल र विना सुवेदी सदस्य रहेको लेखा सुपरीवेक्षण समिति चयन भएको छ ।
