विराटचोकः महोत्तरीको जलेश्वरमा बसेको राष्ट्रिय स्वतन्त्र पार्टीको बैठकले सांसद स्वर्णिम वाग्लेलाई उपसभापति चयन गरेको छ ।
सो बैठकले कविन्द्र बुर्लाकोटी, सुमना श्रेष्ठ र विपिन आचार्यलाई सहमहामन्त्री बनाएको छ । यसैगरी, विराजभक्त श्रेष्ठ संसदीय दलको उपनेता चुनिएका छन् । पार्टी कोषाध्यक्षमा लिमा अधिकारी चयन भएकी छिन् । उनी एमालेका नेता पूर्व अर्थमन्त्री भरतमोहन अधिकारीकी छोरी हुन् ।
त्यस्तै, सहकोषाध्यक्ष वसुमाया तामाङ र दीपक बोहरा चयन भएका छन् । पार्टीको सहप्रवक्तामा मनिष झा, प्रतिभा रावल र रमेश प्रसाईँ रहेका छन् ।
