विराटचोकः आज सुनको भाउले ऐतिहासिक उचाइ कायम गरेको छ । आज सुन प्रति तोला तीन हजार रुपैयाँले बढेर तोलाको १ लाख ५२ हजार ६०० रुपैयाँमा किनबेच भइरहेको छ ।
नेपाल सुनचाँदी व्यवसायी महासंघका अनुसार यसअघि गत साउन २९ गते मंगलबार छापावाला सुन प्रतितोला एक लाख ५० हजार ८०० रुपैयाँमा कारोबार भएर उच्च मूल्यको रेकर्ड कायम भएको थियो । आज सोही रेकर्ड ब्रेक भएको हो ।
आज चाँदीको मूल्य तोलामा ५० रुपैयाँले बढेर प्रतितोला एक हजार ८१० रुपैयाँमा किनबेच भइरहेको छ ।
