काठमाडौंः बुधबार दिउँसो नुवाकोटको शिवपुरी गाउँपालिका–७, सूर्यचौर क्षेत्रमा एयर डाइनेष्टीकाे हेलिकप्टर दुर्घटना हुँदा त्यसमा सवार क्याप्टेनसहित पाँच जनाको ज्यान गएको छ ।
हेलिकप्टर क्याप्टेन अरुण मल्लले उडाएका थिए । अन्य ४ जना चिनियाँ नागरिक साे हेलिकप्टरमा सवार थिए ।
हेलिकप्टर दुर्घटनास्थलबाट पाँचै जनाको शव संकलन गरिएको छ । नेपाल प्रहरी, सशस्त्र प्रहरी लगायतको टोलीले शव संकलन गरेर काठमाडौं ल्याउन थालेका छन् । शव पोष्टमार्टमका लागि त्रिवि शिक्षण अस्पताल लगिने भएकाे छ ।
