विराटचोकः अमेरिकी डलरको भाउले आज फेरि नयाँ कीर्तिमानी मूल्य कायम गरेको छ । आज डलरको भाउ १५ पैसा महङ्गिएको हो ।
नेपाल राष्ट्र बैंकका अनुसार आज १ अमेरिकी डलरको बिक्रीदर १३४ रुपैयाँ ४६ पैसा रहेको छ भने खरिददर १३३ रुपैयाँ ८६ पैसा रहेको छ । यो मूल्य हालसम्मकै उच्च हो । यस अघि साउन १९ गते डलरको मूल्यले नयाँ रेकर्ड बनाएको थियो । आइतबार र सोमबार स्थिर रहेको डलरको मूल्य आज १५ पैसा बढेको हो ।
अमेरिकी डलरको तुलनामा भारतीय मुद्रा कमजोर बन्दै गइरहेका कारण नेपाली रुपैयाँ पनि दिनप्रतिदिन कमजोर हुँदै गएको हो ।
आज युरोपियन युरो एकको खरिददर १४६ रुपैयाँ ५६ पैसा र बिक्रीदर १४७ रुपैयाँ २१ पैसा रहेको छ ।
पाउण्ड स्टर्लिङ एकको खरिददर आज १७० रुपैयाँ ६२ पैसा र बिक्रीदर १७१ रुपैयाँ ३९ पैसा तोकिएको छ ।
अष्ट्रेलियन डलर एकको खरिददर ८६ रुपैयाँ ३१ पैसा र बिक्रीदर ८६ रुपैयाँ ७० पैसा तोकिएको छ ।
यस्तो छ आज विभिन्न मुद्राको विनियम दरः
