२४०० रुपैयाँ घट्यो सुनको भाउ, चाँदीको ५५ रुपैयाँ

विराटचोकः आज सुन र चाँदी दुवैको भाउ घटेको छ । सुनको भाउ तोलामा २ हजार ४ सय रुपैयाँ तथा चाँदीको भाउ तोलामा ५५ रुपैयाँ घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४५ हजार रुपैयाँ निर्धारण भएको छ । तेजाबी सुनको भाउ प्रति तोला १ लाख ४४ हजार ३ सय रुपैयाँ र चाँदीको भाउ प्रति तोला १ हजार ७५० रुपैयाँ निर्धारण भएको छ ।

हिजो सुनको भाउ तोलामा १ हजार १ सय रुपैयाँ र चाँदीको भाउ तोलामा १५ रुपैयाँ बढेको थियो ।