विराटनगरः मोरङमा कार्यरत सञ्चारकर्मीका लागि आर्टिफिसियल इन्टेलीजेन्सी (एआई) सम्बन्धी तालीम सम्पन्न भएको छ । मिडियाकर्मी रविराज बरालले तालीमको सहजीकरण गर्नुभएको थियो ।
कार्यक्रमका प्रमुख अतिथि प्रदेश सरकारका आन्तरिक मामिला तथा कानून मन्त्री लीलाबल्लभ अधिकारीले सञ्चार माध्यमले नयाँनयाँ प्रविधिलाई अङ्गीकार गर्न सक्नुपर्ने बताउनुभयो । प्रमुख अतिथि मन्त्री अधिकारीले सञ्चार क्षेत्रको विकासमा मन्त्रालय लागिरहने उल्लेख गर्नुभयो ।
नेपाल पत्रकार महासंघ मोरङका पूर्व अध्यक्ष यज्ञ शर्माले स्थानीय सञ्चार माध्यमका समस्या विषयक कार्यपत्र पनि प्रस्तुत गर्नुभएको थियो ।
कार्यक्रममा नेपाल पत्रकार महासंघका केन्द्रीय सदस्य भीषण राईले मोबाइल जर्नालिज्म (मोजो) को बारेमा जानकारी दिनुभएको थियो ।
मोरङ जिल्लामा कार्यरत ६० जनाभन्दा बढी सञ्चारकर्मीको कार्यक्रममा उपस्थिति रहेको थियो ।
