विराटचोकः नबिल बैंकले कियोस्क मेसिन मार्फत चेक क्लियरिङ्ग गर्न सकिने सुविधाको प्रारम्भ गरेको छ । यस सुविधा मार्फत आउटवार्ड क्लियरिंग चेक अब ग्राहक स्वयंले कियोस्क मार्फत सोझै सम्बन्धित नबिलको खातामा रकम जम्मा गर्न सक्ने बताइएको छ ।
ग्राहकले आफ्नो समय अनुकुल पारी कार्यालय समय बाहेक पनि बिना झन्झट चेक डिपोजिट गर्न सक्ने बताइएको छ । यो सेवाबाट ग्राहकको समयको बचत तथा स्वचालित र स्फुर्त रुपमा कारोबार हुने हुनाले यसबाट आफ्ना ग्राहकहरुले पूर्ण रुपमा लाभ लिनेमा विश्वस्त रहेको बैंकले जानकारी दिएको छ ।
काठमाडौं उपत्यकामा ६ र उपत्यका बाहिर ४ गरी १० वटा शाखाबाट उक्त सेवा संचालनमा ल्याएको छ । उपत्यका भित्रका तीनधारा, ललितपुर, त्रिपुरेश्वर, नयाँ बानेश्वर, न्युरोड र कुलेश्वर तथा उपत्यका बाहिर विराटनगर, वीरगञ्ज, पोखरा र बुटवल शाखामा यो सुविधा पाउन सकिने जनाइएको छ ।
